Hmahruaitu Real Madrid chak lo, Barca an chak

La Liga-ah hmahruaitu Real Madrid-in table chung bera dinhmun sawhngheh theihna hun ṭha an bawhpelh a, Pathianni zan khan Coliseum Alfonso Perez-ah mualneitu Getafe 1-0 in an hneh lo. Inkhel dangah Barcelona-in Mallorca 1-0 in an hneh a, Atletico Madrid-in Rayo Vallecano 2-0 in an hneh bawk.

Real an chesual
Madrid derby-ah Real Madrid defender Eder Militao-a'n box pawnah chiah ball a hloh a, Brazilian defender ball chhuhsaktu Enes Unal-a'n minute kuana lekah hmahruaina goal a khung. Los Blancos-in siphurh sut turin hun ngah mah se goal hmaah an vanneih ṭum a ni lo.

Luka Modric-a goal khung tur Getafe keeper Soria-a'n ṭha takin a dang a, Croatian midfielder hian crossbar a pet per bawk. Second half-ah Soria bawk hian Brazilian midfielder Casemiro goal khung tur a dang a, Karim Benzema pawhin scoresheet-ah a hming a thai lang thei lo bawk.

Barca an chak
Barcelona-in Covid-19 leh hliam vangin player 17 ngawt an chhawr thei lo a, chung zingah chuan player pawimawh ni pha Dani Alves, Ousmane Dembele, Jordi Alba, Philippe Coutinho, Gavi leh Serginho Dest te an tel.

Xavi enkawl Barca hian Pathianni zan khan Mallorca an tlawh a, Luuk de Jong a che ṭha. Dutch forward De Jong hian ṭum hnih ngawt Mallorca tlarhnung a rum ṭhaih hnuah minute 44-naah goal awmchhun a khung.

Catalan club hian match 19 aṭangin point 31 an hmu a, panganaah awmin pakhatna Real Madrid aiin point 15-in an hmu tlem zawk. Xavi hote tan champion a har tawh dawn a, chutihrualin Barcelona tan season thara Champions League khelh phak ngei a ṭul avangin result neih ṭhat chhunzawm zel a ṭul ang.

December 31, Zirtawpni
Valencia 1 - 2 Espanyol

January 2, Pathianni
Getafe 1 - 0 Real Madrid
Atletico Madrid 2 - 0 Rayo Vallecano
Elche 0 - 0 Granada
Alaves 1 - 1 Real Sociedad
Real Betis 0 - 2 Celta Vigo
Mallorca 0 - 1 Barcelona

# Team Pld W D L GF GA GD Pts
1 Real Madrid 20 14 4 2 41 17 24 46
2 Sevilla 18 11 5 2 29 13 16 38
3 Real Betis 19 10 3 6 32 23 9 33
4 Atletico Madrid 19 9 5 5 31 22 9 32
5 Barcelona 19 8 7 4 30 22 8 31
6 Rayo Vallecano 19 9 3 7 26 20 6 30
7 Real Sociedad 19 8 6 5 21 21 0 30
8 Valencia 19 7 7 5 31 28 3 28
9 Espanyol 19 7 5 7 22 22 0 26
10 Villarreal 18 6 7 5 26 20 6 25
11 Athletic Bilbao 19 5 9 5 17 16 1 24
12 Celta Vigo 19 6 5 8 22 22 0 23
13 Granada 19 5 8 6 23 26 -3 23
14 Osasuna 18 5 7 6 17 22 -5 22
15 Mallorca 19 4 8 7 17 28 -11 20
16 Getafe 19 4 6 9 13 20 -7 18
17 Elche 19 3 7 9 18 27 -9 16
18 Alaves 19 4 4 11 16 30 -14 16
19 Cadiz 18 2 8 8 15 31 -16 14
20 Levante 18 0 8 10 19 36 -17 8