Ferrari-in car siam ṭha dawn

Formula 1 team hlun Ferrari chuan 2020 season atana an hman tur car chu an duhthu a sam tawk lo a, season laklawh laiin car hi siam danglam a ngai dawn niin team boss Mattia Binotto chuan a sawi.

February thla tawp khan Ferrari hian 'Ferrari SF1000' chu an lo enchhin tawh. Tun kar tawpa Austrian Grand Prix an tlan hunah pawh Sebastian Vettel leh Charles Leclerc te chuan an car enchhin tawh hi an hmang ang.

Mattia Binotto chuan, "Tlankawnga car a tlan khan a fuh lo leh dik tawk lo lai kan hria, hmanhmawh taka tih theih ni lo mah se a hma thei angin hna kan zawh theih a beiseiawm," tiin car thar neih a ngaih thu a sawi.

Ferrari hian intlansiak hmasa pathumah chuan car thar hi an hmang hman dawn lo tih a chiang. Tuna an ruahman dan chuan July 17-19 chhunga tlan tur Hungarian Grand Prix-ah chuan an hman theih beisei a ni thung.