A sang 200 zingah Karman

Hmeichhe tennis thuneitu sang ber Women's Tennis Association chuan Thawhṭanni zan khan world ranking thar ber a ti chhuak a, Karman Kaur Thandi chuan a tawn san ber ṭum tawngin 200-na chiah a ni. Karman hi Indian nula zingah a sang 200 zinga inhlangkai thei player parukna chiah a ni.

Kum 20 mi Karman hian tun hnaiah ITF singles title hmasa ber a lak bakah China-a inelna dang pahnihah semifinal a in vaw kai thei bawk. Tunah chuan Sania Mirza, Nirupama Vaidyanathan, Shikha Uberoi leh Sunitha Rao te hnung zuiin a sang 200 zingah a tel phak ve ta.

Mipa singles lamah Yuki Bhambri chu a dinhmun ngaiah awmin 86-na a ni a, Ramkumar Ramanathan erawhin mi pali kal kanin 111-na a ni thung - tennis a khelh hun chhungin singles ranking-a a tawn san ber ṭum a tawng thung.

India player-te hi singles huangah an ranking a sang vak ngai lo a, doubles-ah pawh tun hnaiah an tlahniam hle. Rohan Bopanna (27), Divij Sharan (38), Leander Paes (80) leh Purav Raja (83) te awm hmun ngaiah an awm a, Jeeevan Nedunchezhiyan (89), N Siram Balaji (96) leh Vishnu Vardhan (98) te an tlahniam thung.

ATP Ranking Thar
# Player Ram Points
1 Simona Halep ROM 7571
2 Caroline Wozniacki DEN 6660
3 Sloane Stephens USA 5463
4 Angelique Kerber GER 5305
5 Elina Svitolina UKR 5020
6 Caroline Garcia FRA 4680
7 Garbine Muguruza ESP 4620
8 Petra Kvitova CZE 4550
9 Karolina Pliskova CZE 4485
10 Julia Gorges GER 3980