Olympic star Skofterud a thi

Olympic cross-country skiing gold medallist Vibeke Skofterud chu vura a talwhna hmunah a chesual a, Norway nu hi kum 38 mi niin a chetsual tukah thia char a ni.

Skofterud hian 2010 Winter Olympics-ah khan 4x5km relay huangah gold medal a la a, he inelnaah tho hian World Championship-ah ṭum hnih ngawt a champion tawh bawk.

Inrinni khan Skofterud hi a bo tih hriat a ni a, Norway chhim lama awm St Helena-ah Pathianni khan thia chhar a ni. Norwegian Ski Federation chuan, "Chhiatna lungchhiat thlak a ni," tiin an ram ti hmingṭha tawhtu thih thu an sawi.

Kum 38 mi Skofterud hi a vanglai chuan skiing thiam chungchuang tak a ni a, khawvel huap inelnaah gold medal bakah silver leh bronze pawh a hlawh chhuak nual; World Cup-a podium a lawm phak zat pawh vawi 15 zet a ni, 2015 khan infiamna hi a chawlhsan a, inelna huangah tel tawh lo mah se intih hlim nan vur tawlh hi a la ti reng ṭhin.