Norwich player a dam tawh

Premier League club Norwich City sporting director Stuart Webber chuan an player, a hming tarlan loh Covid-19 kai chu a dam tawh thu a sawi.

Kar hmasa Inrinni khan Premier League chuan Norwich player Covid-19 kai result hi an puang a, mahse ni rei pawh a liam hmain a dam leh ta.

Webber chuan, "Vanneihthlak takin kan player chu a dam ṭha tawh a, 100% a ni tawh. Engmah buaina a awm tawh lo," tiin a sawi.

Norwich player Covid-19 kai hi taksaa natna lang chhuak lo chi a ni a, mahse Premier League dan angin league lamin a negative tih an puan hma chuan a la inkhunghran rih erawh a ngai dawn tho a ni.

Premier League aṭanga tla thei dinhmuna ding mek Norwich hian Zirtawpni zan dar 10:30-ah Covid-19 vanga league chawlh a nih reng hnua an match hmasa ber chu an khel dawn a, Southampton an mikhual ang.