Mizoram an chak

71st Junior National Basketball Championship 2022-ah Mizoram chuan nimin khan an match hmasa berah Andhra Pradesh chu 69-63 in an hneh. Tukin zing dar 8:00 hian Mizoram hian Puducherry an hma­chhawn leh ang.

Mizoram hi Andhra Pradesh, Puducherry bakah Bihar nen group khatah an awm a, group match hnuhnung ber hi January 6, Ningani chawhma dar 11:00-ah Bihar nen an inkhel dawn.

Basketball Federation of India (BFI) buatsaih inelna hi Indore, Madhya Pradesh-ah neih a ni a, Mizoram awmna hi Level 2 a ni. Mizoram team enkawltute hi Michael Zohmingsanga, manager (Khatla), Vanlalnunsanga, coach (Khatla East) leh Ricky Lallawmkima, assistant coach (Ramthar Veng) ten an enkawl a ni.