Monaco coach thar Clement

AS Monaco chuan coach thar atan Philippe Clement an lalut a, kum 2024 June thla thleng atan contract an ziahpui - manager aṭanga an ban tak Niko Kovac hmun ruak a luah chhunzawm dawn a ni.

Kum 47 mi Clement hian Genk chu Belgian league-ah a zawnin vawi thum champion pui tawhin a hlawhtling hle, chumi hnuah Club Brugge chu hlawhtling takin a lo enkawl tawh bawk.

Monaco sporting director Paul Mitchell chuan, "Club nghet, ṭha leh tlo tak nih kan duh a, chumi atan chuan Philippe hi lungphum phumtu pawimawh tak a nih theih ngei kan beisei," a ti.

Bayern Munich manager hlui Kovac khan 2020 June aṭangin Monaco kha a enkawl a, season hmasa khan Ligue 1-ah pathumna a nihpui. Season kal laiah parukna an ni mek, hmahruaitu Paris Saint-Germain an phak lohna chu point 17 zet a nih avangin a hnain a tuar phah ta a ni.