Marquez-a'n season bul ṭan a beisei

MotoGP rider Marc Marquez chuan season thar bul ṭan theih ngei a beisei a, training pangngai a neih theih avangin bike intlansiakna sang berah hian a tir aṭanga a inlan theih ve tawh pawh a rinawm ta hle.

Repsol Honda rider Marquez hi 2020 season khan inelna hmasa berah a chesual a, a tan season a tawp zui nghal. Nikum pawh kha a tir lamah a tlan ve thei lo, inelna hmachhawn thei mah se a champion phak lo.

Nikuma season bul a ṭan loh bakah a tawp lamah round hnih chu hliam vangin a tlan lo. Honda chuan thuchhuah siamin, "A ban na chu a dam tawh, a mit enkawl leh a ngai a, tunah chuan ngai a awh chho leh mek tawh," an ti.

MotoGP 2022 season hi March 6 aṭanga tlan ṭan a ni dawn a, inelna hmasa ber atan Qatar Grand Prix an tlan ang. Ruahman lawk dan chuan intlansiak 21 awm tura tih a ni, hripui len lai a nih avangin ṭhenkhat chu a hun sawn leh ṭhulh ngai a awm leh a rinawm.