Copa del Rey-ah club lian inlan dawn

Spanish football-a inelna ngaihven hlawh pawl Copa del Rey round of 32 chu nizan aṭang khan khelh ṭan a ni a, zanin aṭangin club langsar ho pawh an inlan ve leh tawh dawn.

Ferran Torres an lakluh avanga boruak nei ṭha thar Barcelona chu zanin dar 12:00-ah an inlan dawn a, an lenchilh tur hi third division club Linares Deportivo an nih avangin an ṭhat dan bera an inlan a rinawm loh.

Naktuk zing dar 2:00-ah Real Madrid chuan third division club tho CD Alcoyano an lenchilh dawn a, Carlo Ancelotti enkawl team hian kum thar hnua an match hmasa berah Getafe chu 1-0 in an ngam lo a, La Liga-a an result duhawm lo aṭangin tun hi insiamṭhatna hun ṭha a ni.

Spanish Cup tia hriat lar ni bawk Copa del Rey-ah hian semifinal hma chu single leg-in an khel a, club lian tan pawh chetsual theihna chance a sang.

Copa del Rey - Round of 32
Nizan Inkhel - Result kan hre hman lo
Ponferradina 01:30 AM Espanyol

Zanin Inkhel Tur
FC Cartagena 08:30 PM Valencia
Eibar 08:30 PM Real Mallorca
Leganes 08:30 PM Real Sociedad
Linares Deportivo 12:00 AM Barcelona
Atlético Baleares 12:30 AM Celta Vigo
Real Valladolid 12:30 AM Real Betis
Mirandes 12:30 AM Rayo Vallecano
Alcoyano 02:00 AM Real Madrid

January 06, Ningani Zan
Fuenlabrada 08:30 PM Cadiz
Girona 08:30 PM Osasuna
Sporting Gijon 10:30 PM Villarreal
Real Zaragoza 10:30 PM Sevilla
Mancha Real 12:30AM Athletic Bilbao
Almeria 12:30AM Elche
Rayo Majadahonda 02:00 AM Atletico Madrid