Champions League khelh tum boruak a 'hot'

La Liga lamah season thara Champions League khelh tum inum boruak a 'hot' zel a, top four zinga tel phak tum Getafe chu an chak zo lo leh ta a, an mikhual Espanyol nen 0-0 in an inhnehtawk. 

Espanyol defender Bernardo Espinosa chu minute 16-na lekah an khingpui player a nghawk luih avangin hnawhchhuah a ni a, hun tam zawk a tam zawk nichunga an khel chungin Getafe-in goal net an zawng hmu zo lo.

Getafe hian Covid-19 vanga La Liga chawlh a nih hnua match hnih an khelhah point khat chiah an la hlawh chhuak a, an elpui te tan chuan chanchin ngaihnawm a tling.

Hetihlai hian Villarreal chuan Carlos Bacca goal khung hmangin Mallorca chu 1-0 in an hneh a, Champions League khelh beiseina an nei thar ve leh thung. 

Season thara Cham-pions League khelh beisei Getafe,  Real Sociedad, Atletico Madrid leh Valencia te chu season ṭan leh hnua an match hmasa berah an chak zo lo vek a, Villarreal hi pasarihna daih ni mah se beiseina thar an neih phah.