Konta a kal zel

Serena Williams a hneh hnuah Johanna Kon­ta chuan Sofia Kenin lakah hnehna chang zui lehin Silicon Valley Classic-ah third round a inhlangkai, zanin hian Elise Mertens nen an inkhel zui leh ang.

Nimin zing inkhelah Konta hian vawi kua aces a siam hnuah 6-1, 6-4 in hnehna a chang. Britain nula hian Serena lakah pawh set hloh loin hnehna a chang tawh bawk a, tun inelna neih laia player kal tluang ber tia sawi ngam a ni.

Inkhel dangah Mertens hian wildcard hmanga inlan Ashley Kratzer chu 6-2, 6-0 in a lo hneh ve bawk. Seeded pakhatna Garbine Muguruza chu second round-ah Victoria Azarenka nena inkhel tur ni mah se a ban na vangin a inhnukdawk.