ITI-in Women Polytechnic an hneh

Nimin khan LG Independence Cup Women's Football-ah ITI-in Lalvenkimi (15') leh Nancy Vanlalduhlaii (23') te goal hmangin Women Polytechnic 2-0 in an hneh.

Group B-ah hian team pathum awmin August 7 dar 12:00 hian ITI-in Govt Mizo HSS an hmachhawn ang a, August 10 chawhnu dar 1:45-ah Women Polytechnic leh Govt Mizo HSS te RG Stadium-ah an inkhel ang. Group khat aṭangin hian pakhat chiahin semifinal an lut dawn a, ITI hi an chak nawn a nih chuan match hnuhnung ber result hian nghawng a nei tawh lo ang.

Vawiin chhun dar 12:00 hian Govt Aizawl College leh Govt High School te an inkhel dawn a, group C-ah hian St Joseph HSS te an awm bawk. I Day Football hmeichhe inelnaah hian team 10 telin champion Pachhunga University College chuan semifinal an lut nghal a, team kaw dang chu group thumah team thum zela sem darh an ni.