Unau inkhelah Alexander a chak zawk

Nimin zing khan tennis khel thiam unau Alexander leh Mischa Zverev te chuan Washington Open last 16 an khel a, a naupang zawk Alexander chuan 6-3, 7-5 a hnehna changin quarterfinal a inhlangkai.

Germany player pahnih hi tennis huang chhungah kum thum chuang an awm dun tawh a, qualifying ni lo inelna takah chuan tun ṭum hi an vawi khat intawnna chiah a ni. Champion lai leh seeded pakhatna ni bawk Zverev hian a match lehpekah chuan Kei Nishikori a hma­chhawn leh ang.

Zverev unau hi inkawm ngeih tak an ni a, hmun khatah an practice dun ṭhin. An pahnih hian doubles-ah pawh ṭangdunin seeded pakhatna Oliver Marach leh Mate Pavic te chu 6-1, 6-4 a hnehin quarterfinal an in vaw kai tawh.

Japanese star hian Denis Shapovalov chu 7-6 (1), 6-3 in a hneh ve bawk a, quarterfinal match dangah David Goffin leh Stefanos Tsitsipas te an inhmachhawn ve thung dawn bawk a ni.