Fraser-a'n contract a hnawl

Premier League club Bournemouth chuan June thla tawp ruala a contract zo tur Ryan Fraser chu inremna neih pui an tum a, mahse winger Fraser hian contract tawi a ziak duh lo.

Covid-19 vangin football chu hun rei tak chhung khelh theih a ni lo, season pangngai zawh hun angah an zo thei lo. Cherries hian an player dang Simon Francis, Andrew Surman, Artur Boruc leh Charlie Daniels te chu inremna tawi an lo ziahpui tawh.

League match pakua khelh hmabak an la nei a, winger Fraser erawh June 30 hnu lamah chuan an chhawr thei tawh dawn lo. Season kal laia league match 23 khel tawh player an chhawr thei lo tur hi manager Eddie Howe tan channa lian a tling.