Messi a negative

Argentina captain Lionel Messi chuan Covid-19 positive vanga an ram a chhuahsan theih loh hnuah PCR hmangin a negative leh tawh a, nimin khan an khua Rosario chhuahsanin Paris a thleng.

Kum 31 mi Messi hian Paris pan nan hian private jet a hmang. Argentine forward hian Covid-19 positive vang hian French Cup-a PSG-in Vannes 4-0 a an hneh ṭumin a khel lo. Tunah erawh a dam tak avangin January 9, Pathianni zana Lyon nen an inkhelh theih hunah a inlan theih a beiseiawm.

Messi hian tun season-ah league match 11 chiah a la inlan a, goal khat chiah a la khung a, Champions League-ah erawh match nga aṭangin goal nga a khung thung.