Liverpool dinhmun a chiang lo

Covid-19 vangin Premier League club-te an talbuai zel a, he thu buatsaih a nih lai hian zanin dar 1:15-a Arsenal leh Liverpool inkhel tur pawh an dinhmun a la chiang lo.

Arsenal leh Liverpool hi League Cup semifinal-a inhmachhawn tur an ni a, mahse, Covid-19 vanga talbuai Reds hian an inkhelh hun tur hi sawn an dil.

Reds hian hliam vangin Thiago Alcantara, Takumi Minamino, Divock Origi, Nathaniel Phillips leh Harvey Elliott an chhawr thei lo mek a; Alisson, Roberto Firmino leh Joel Matip ten Covid-19 an kai bawk.

Hetihlai hian AFCON khel turin Naby Keita, Sadio Mane leh Mohamed Salah an zin chhuak mek bawk a, Reds an indaih loh vanglai tak a ni!

Liverpool hian an training centre lar AXA Training Centre-a an training pawh an titawp nghal a, coach Jurgen Klopp leh assistant coach Pepijn Lijnders te an positive ve ve avangin team kaihruai tur pawh an nei lo.

Merseyside club-in EFL hnena League Cup semifinal khelh hun sawn an dil lai hian Lijnders-a result a la hriat loh a, mahse, nimin tlai khan Reds assistant coach dinhmun hi a hriat ve leh a ni.

Nimin tlaia Liverpool-in press conference an neih tur pawh cancel vek a ni a, he thuziak i chhiar meuh chuan zanin League Cup semifinal match kaltlangpui a nih dawn leh dawn loh a chiang tawh ang.