Inter Milan zawm tur Onana

Ajax keeper Andre Onana chuan kumin June thla hian free agent-in Inter Milan a zawm dawn. Kum 25 mi Onana hian medical test a paltlang tawh a, kum nga daih contract ziakin season khatah euro maktaduai thum a hlawh ang.

Cameroon inter-national keeper Onana hian Samuel Eto'o Academy leh Barcelona academy-ah te a awm hnuin Ajax a pan a, kum 20 a nih aṭangin senior team a khel ṭan.

Onana hian Ajax-ah hmun pawimawh chang mah se February 2021 khan damdawi hman phal loh furosemide a hmang tih hmuhchhuah a ni a, thla 12 chhung inkhel thei lo turin an hrem.

Nikum June khan Onana hremna hi thla kuaah an ti tlem a, tunah hian inlan leh tawh mah se Dutch club-ah hmun pawimawh a chang phak tawh lo.