Insigne-a'n Napoli chhuahsan dawn

Napoli leh Italy forward Lorenzo Insigne chuan MLS club Toronto FC nen inremna an siam a, tun nipuiah Canadian club hi a zawm ang.

Italian club tana Insigne contract neih lai hi tun nipuiah a tawp dawn a, Italian forward hian a thlawnin MLS club hi a pan dawn. Kum 30 mi Insigne tan hian kum nga leh a chanve contract chhawpsak a ni a, December 2027 thleng awh tur a ni.

Toronto hian Insigne nena an inremna hi tunkar chhoah an puan rin a ni a, Italian forward chhawr tur hian season khata euro maktaduai 11 bakah a chet ṭhat dan a zirin euro maktaduai nga an pe ang.

Canadian club Toronto tan Euro 2020-a Italy champion puitu Insigne an lalut thei hi chanchin lawmawm bikah a ngaih theih. Insigne hian kum 2019 aṭang khan Napoli tan captain hna a chelh a, Serie match 264 a khelh tawh aṭangin goal 89 a khung.