Mizoin National Award of Excellence 2021 dawng

India rama Martial Arts hrang hrang Instructor-te hnena pek ṭhin 'Self defence Instructor National Award' sem chhuah takah, National Award of Excellence 2021 chu master Joseph Thansanga hnenah pek a ni.

Self Defence Instructor Award hi Combat Tactical Association buatsaih niin, India rama martial artist zirtirtu hrang hrangte hnathawh dan an lakkhawm aṭangin award hi an pe a.

Nominee 27 thlan chhuah an ni a, an zing aṭang chuan National Award of Inspiring 2021, National Award of Excellence 2021 leh National Award of Outstanding 2021 te an hlan a ni.

Joseph Thansanga hi SYS Taekwondo coach, black belt 5th dan niin international coach leh referee a ni a, a ho hian kum 2019-20 chhung khan school hrang hrang 140 chuang leh college a self defence zirtirtu te leh naupangte training pein an zirtir.