Bengaluru leh East Bengal inhnehtawk

Coach lailawk Renedy Singh enkawlna hnuaiah East Bengal-in anmahni ang thoa season hmang ṭha lo Bengaluru FC an hmachhawn a, 1-1 in an inhnehtawk.

Kolkata club tan Thong-khosiem Haokip chuan minute 28-na lekah goal hmahruai a khung a, coach an thlak hnuah East Bengal hian hnehna an chan mai beiseina an nei hman.

Mahse, Bengaluru-in tlawm an duh bik lo a, East Bengal midfielder Sourav Das chuan minute 55-naah an lamah a ti lut a, hun tawp thlengin goal dang a lut tawh lo.

Bangalore club tan bench aṭanga luhtir Sunil Chhetri chuan goal khungna chance nei mah se a chhawr thei lo a, Indian legend-in season duhawm lo a hman a chhunzawm zel.

Kum 37 mi striker hian season bul a ṭan ṭhat loh avangin Bangalore club tan inkhel bul pawh a ṭan phak ta meuh lo a, tun season-a match 10-a khelh tawhah goal khung emaw assist emaw a la nei lo!

East Bengal tan midfielder ṭhangduang Lalrinliana Hnamte chuan inkhel bul a ṭan a, minute 90-naah lakchhuah a ni thung.