Bangladesh-in New Zealand barakhaih

Bangladesh chuan a vawi khat nan Test cricket-ah New Zealand an hneh. Nimin khan Bay Oval-ah Test match vawi hnih an khelh tura hmasa zawk khelh zawh a ni a, Bangladesh hi wicket riatin an chak.

Test match hi January 1 aṭang khan khelh ṭan a ni a, ṭhumvawra vannei Bangladesh-in vawm hmasak an thlang. Black Caps tan Devon Conway-a'n century (132) siamin Henry Nicholls (75) nena an chet ṭhat zarah first inningsh-ah 328 an siam.

Amaherawhchu Bangadesh an che ṭha rual a; captain Mominul Haque (88), Liton Das (86), Mahmudul Hasan Joy (78) leh Najmul Hossain Shanto (64) ten half century an siam vek a, 458 runs an siam.

Bangladesh hian second innings-ah New Zealand hi 169 runs lek an siam tihin an vawm hlum vek a, 40 runs lek target a nih tak avangin wicket hnih hlohin 42 runs siamin hnehna an chang.