McGregor a lo kir dawn

Conor McGregor chuan hun rei tak chhung octagon-a a hmel a lan tawh loh hnuah October 6 khian a inlan leh dawn ta a, Russian fighter hmuhnawm Khabib Nurmagomedov nen UFC 229-ah an inhmachhawn ang.

Las Vegas-a fighter pahnih inhmachhawn tur thu tihchian a nih hma hian thawm an lo nei daih tawh. Brooklyn-a UFC 223 neih a nih ṭum khan Nurmagomedov chuanna bus chu McGregor hian a lo bei tawh a, hei vang hian thubuai 12 ngawt siam sak a ni hial!

Kum 30 mi McGregor hian August 2017-a boxing ring chhunga Floyd Mayweather a hmachhawn hnuah octagon a lut leh rih tawh lo a, a kawnghren kawl lai featherweight leh lightweight champion a nihna pawh chhuhsak a ni.

Mahse, Irish fighter hi a rawn kir leh hmasak ber turah a hmaah lightweight title a inchhawp nghal dawn. A hmachhawn tur Khabib Nurmagomedov hi vawi 26 fight a hmachhawn tawha la tlawm miah lo a nih avangin a hna erawh a awlsam lo ang.