August 7 aṭangin CYMA Basketball

LBS Suzuki 7th Inter Branch YMA Basketball Tournament chu August 7 aṭangin Hawla Indoor Stadium leh Chawnpui Sports Centre-ah khelh ṭan a ni dawn.

CYMA leh MBBA ṭangkawpin an buatsaih Inter Branch YMA Basketball Tournament-ah hian team 66 an tel a, Zirtawpni zan khan CYMA Hall, Tuikhuahtlangah tip off neih a ni.

CYMA Basketball hma hian Dawrpui Vengthar leh Chawnpui ten an branch YMA kum 50 tlin nan inelna an buatsaih a, DPVT-ah inelna buatsaihtu branch-in final-ah Ramthar hnehin an champion.

Chawnpui inelnaah inelna buatsaihtu branch-in final an thleng a, amaherawhchu final a zawna luh hnuah Ramthar an vanduai nawn lo. Tun ṭumah player ṭha tamna Ramthar leh Dawrpui Vengthar te chu champion rinkai zinga mi an ni ang.