TJ Dillashaw a dingchang

UFC 227 chu nimin zing khan Los Angeles khawpuiah neih a ni a, mipui nghahhlelh ber fight-ah TJ Dillashaw chuan Cody Garbrandt chu round khat chhung lekin technical knockout hmangin a hneh.

Fighter pahnih inhmachhawn tir lam aṭangin TJ Dillashaw-a'n fight a thunun nghal a, Cody Garbrandt-a'n hun a nei ve meuh lo a ni ber - TJ hian minute li leh second 17 bak a khingpui tukdawl tur hian a mamawh lo.

UFC 217-ah khan fighter pahnih hi an lo inhmachhawn tawh a, TJ Dillashaw bawk hian hnehna a lo chang tawh - round hnihnaah a knockout a, tun ṭumah erawh an intawn hmasak ai pawhin a chak rang ta zawk.

Kum 32 mi fighter chuan, "Bantamweight-ah chuan fighter ropui ber ka ni," tiin a sawi a, UFC Bantamweight Champion hi a ṭawng pawr hle.