LB Associates an champion

6th August, 2018

ADBBA hnuaia Women's Tournament 2018-ah Bungkawn club LB Associates chuan Inrinni zan khan Hawla Indoor Stadium-ah Durtlang Mohicans chu 43-32 a hnehin an champion.

Season liam ta khan LB Associates hi Bungkawn BC tih an ni a, ADBBA Cup-ah champion mah se league-ah pahnihna an ni.

Final-a an khingpui Durtlang Mohicans erawh kuminah an intuai thar a, nikum league champion Team Alpha chu semifinal-ah an hneh a, final-ah erawh an vannei zo lo.