Real-in Ronaldo tel lohna Juve hneh

Manchester United an ngam loh hnuah Real Madrid an insiamṭha nghal a, pound maktaduai 99-a an thiampuipa Cristiano Ronaldo an channa Juventus lakah 3-1 in hnehna an chang.

Real Madrid coach Julen Lo­pe­te­gui-a'n, "Ronaldo hmun­ruak a luah theih kan beisei," tia a lo sawi tawh Gareth Bale-a'n Spanish coach-in a dah san chhan pholangin goal ropui a khung a, yard 25 vela hla aṭanga a pet goal hi goal class bik a ni.

Goal khung hmasa zawk erawh Juventus an ni a, Italian champion tan hian Joao Cancelo-a ball cross chu Real right-back Dani Carvajal chuan an lamah a ti lut. Mahse, Bale-a'n si phurh a sut hnuah Marco Asensio chuan goal hnih a khung a, Real an chak.

Hetihlai hian pound maktaduai 38.7 man Vinicius Junior-a'n Real a pan hnuah khawvela rawlthar beiseiawm ber pawl a nih chhan a pholang zel a, Juve lakah pawh goal khung lo mah se a hmuhnawm leh pek hle - Asensio goal hmasa zawk kha a siamsak a ni.

Player inlan
Real Madrid (4-2-3-1): Navas (Lunin 64); Carvajal (Odriozola 46), Nacho (Odegaard 78), Sanchez (Leon 78), Reguilon; Valverde, Kroos (Llorente 46); Isco (Lucas 46), Ceballos (Borja 64), Bale (Asensio 46); Benzema (Vinicius 46)

Juventus (4-1-4-1): Szczesny (Perrin 63); De Sciglio, Chiellini (Barzagli 72), Benatia (Rugani 63), Sandro; Pjanic (Leandro 72); Bernardeschi, Khedira (Fagioli 46), Marchisio, Cancelo; Favilli (Pereira 63)