Test batsman number 1 Kohli

India captain Virat Kohli chuan England laka century a siam hnuah India chakpui zo lo mah se, test batsman ranking chhuak thar berah erawh number 1 dinhmun a luah.

Kum 29 mi Kohli hian England nena an test match hmasa berah India chu run 31-in hnehna a chanpui zo lo a, a mimal tak erawhin a thawhhlawk hle. First innings-ah run 149 ngawt a vaw chhuak a, secon innings-ah run 51 a siam thung.

Test match 67-a vawi 22 ngawt century vaw chhuak thei Kohli hian thla 32 zet test batsman number 1 lo ni tawh Steve Smith a nek chhuak a, Australia captain hlui hi ball khawih chingpen avangin international cricket-ah thla 12 chhung inlan thei lo tura hrem a ni mek.

Cricketer awm tawh zinga ropui ber ang hiala an chhal Sachin Tendulkar khan June 2011 khan test batsman ranking-ah 1-na dinhmun a lo luah tawh a, Indian cricketer zingah Sachin hnua he dinhmun luah leh thei hmasa ber chu Kohli hi a ni.

ICC Test batting rankings

# Hming/Ram Points

1 Virat Kohli (India) 934

2 Steve Smith (Australia) 929

3 Joe Root (England) 865

4 Kane Williamson (New Zealand) 847

5 David Warner (Australia) 820

6 Cheteshwar Pujara (India) 791

7 Dimuth Karunaratne (Sri Lanka) 754

8 Dinesh Chandimal (Sri Lanka) 733

9 Dean Elgar (South Africa) 724

10 Aiden Markram (South Africa) 703