Citi Open champion Kuznetsova

Svetlana Kuznetsova chuan match point vawi li ngawt a inchhanhim hnuah Donna Vekic chu 4-6, 7-6(7), 6-2 a hnehin Citi Open nomawi a chawi a, 2014-a hlawhtlinna a chan tawhna hmunah a ropui nawn leh chiah - tennis a khelh hun chhunga title 18 a lakna chiah a ni bawk.

Grand Slam vawi hnih champion tawh Kuz­netsova chuan, "Wa­shington-ah hian inelna vawi hnih ka hmachhawn tawh a, ka chak vek. He hmunah hian thil mak tak chu ka thlen tir ngei a ni," tiin a sawi. US khawpuiah hian match 11 a khelh tawhah chak loh a nei lo.