Zverev-a'n title humhim

Alexander Zverev chuan Alex De Minaur hnehin Washington Open title a kawl lai a humhim. Pathianni zana final khelhah world number 3 hian harsa lutuk loin 6-2, 6-4 in hnehna a chang.

Kum 21 mi Zverev hian tun season chhungin Munich leh Madrid-ah hlawhtlinna a chang tawh bawk a, ATP title pathumna chiah a ni. Tun inelna hi hard court-a khelh a nih avangin atan US Open inbuatsaihna ṭha tak a ni nghal ang.

German tlangval Zverev khingpui Minaur hi kum 19 mi chauh a ni a, kum 11 liamta a Rafael Nadal leh Novak Djokovic te final an khelh hnuah nomawi inchuhna inkhela player pahnih an naupan leh ber ṭum a ni.

Juan Martin del Potro hnua Citi Open champion zawn leh thei hmasa ber Zverev chuan, "Kum inhnaih tak kan ni a, ka khingpui khan hmabak a nei êng hlein ka hria, tun ṭumah chuan a vannei zawkah ka ṭang," a ti. Zverev hi final-a a khingpui Alex De Minaur aiin pumrua a len zawk bakah tawnhriat a nei hnem tawh zawk a ni.