Odisha FC captain Jerry Mawia

Indian Super League club Odisha FC chuan captain atan Jerry Mawihmingthanga an ruat thu an puang a, Chanmari tlangvalin professional football a luhchilh hnua captain dinhmun a chelh hmasak ber a ni.

Mumbai City laka goal hnih khung hlim Jerry chuan, "Captain nih hian mawhphurhna tam tak a keng tel tih ka hria a, mahse, keimahah erawh pressure a awm phah hranpa lo," tiin a sawi.

Jerry hian DSK Shivajians aṭanga a professional career ṭanin NorthEast United leh Jamshedpur tan pawh a lo khel tawh a, kum 2019 khan Odisha hi a zawm.

Odisha-a a season hmasa ber, 2019-20 khan FPAI Young Player of the Year atan thlan a ni a, Mizo tlangval hian hmabak a nei êng hle.

Mizo player zingah Robert Lalthlamuana (NorthEast United), Jeje Lalpekhlua (Chennaiyin FC) leh Lalengmawia (NorthEast United) ten ISL-ah captain armband an lo hreng tawh a, Jerry-a'n he dinhmun hi a rawn luah ve leh dawn ta.