Villa-in Coutinho an ngaihven

Barcelona midfielder Philippe Coutinho chu club hrang hrang nen sawizawm a ni mek, tun hnaia thuthang thar berah chuan Aston Villa nen sawizawm a ni - Villa a pan a nih chuan Steven Gerrard enkawlna hnuaiah a khel dawn.

Kum 29 mi Coutinho hian Liverpool tana a khelh laiin Premier League khel turin a ṭha tawk tih a lantir tawh. Mahse, Catalan club lian a zawm hnuah a vul nawn thei rih lo - Ferran Torres an neih belh leh tak avangin Coutinho hi an chhuahtir ngei a rinawm.

Brazil international hi a chhuak dawn a nih chuan duhthlang thei dinhmunah a la ding. Villa bakah huan Arsenal, Everton, Newcastle United leh Tottenham te pawhin lakluh an hreh lo vek, a la luck vet vet viau mai.

Coutinho hian tuna amah ngaihventu Grerrad hi khelmual chhungah tual a lo chai pui tawh. Kum 2014 khan Reds tana player pawimawh an ni a, Premier League champion an ni teuh hle - in hre sa an nih avangin Gerrard tan pawh hman thiam tur chi a ni ang.