Burnley manager a positive

Burnley manager Sean Dyche chuan Covid-19 hri leng a kai avangin Inrinnia Huddersfield Town nen FA Cup third round an khelh hunah team a enkawl thei lo ang.

Kum 50 mi Dyche hian Covid-19 a kai tih Thawhlehni khan hriatchhuah a ni a, hemi hnu hian an khung hrang nghal. Burnley hian Dyche-a'n hri leng a kai avanga club a nghawng dan an la puangzar lo.

December thlatir aṭang khan Covid-19 hri thar omicron vangin Premier League match 17 inkhelh hn sawn a ni tawh. Thawhṭanni khan Premier League chuan thuchhuah siamin December 27 leh January 2 chhung khan player leh staff mi 14,250 test an nei a, mi 94 an positive thu an puang.