Intlansiak 21 awm dawn

MotoGP 2021 season kan kharna a la rei lo, tunah chuan 2022 season hmang turin inbuatsaihna a kal leh ta mup mup mai. MotoGP thuneitu lam chuan kuminah hian intlansiak 21 awm turin ruahmanna an siam.

Hripui lengin MotoGP season hnih chhung chu a tibuai tawh a, tlan theih loh leh a hun sawn a awm ṭhin. Kuminah pawh hian ruahmanna siam mah se, an ruahman ang diak diak chuan a kal thei lo mai thei.

MotoGP legend Valentino Rossi tel loa season an hman ṭanna a ni dawn a, rider ṭha mi Marc Marquez erawh kum bul aṭangin ṭha taka a tlan theih a rinawm. Champion lai Fabio Quartararo bakah rider ṭha tak tak an la awm avangi inelna a hmuhnawm leh ang.

Nikum khan season tira ruahman sa intlansiak tur pali ngawt ṭhulh a ni a, tlankawng pahnihah chuan intlansiak vawi hnih ve ve neih a ni thung. Hri len lai a nih miau avangin tun hma ang khan thil thlen dan tur sawi lawk a harsa.

Season tharah hian team 12 an inel leh dawn. Team ṭha Repsol Honda, Yamaha leh Ducati te chu inelna leh tura ngaih an ni. Tun hnaia hmasawn Suzuki leh KTM te pawh sawi nep theih an ni lo ang.