Tuanzebe-a'n Napoli a pan dawn

Manchester United defender Axel Tuanzebe chuan June thla thlenga loan hmanga Napoli zawm turin Italian club nen inremna an nei fel tawh.

Serie A club hian Tuanzebe hawh manah hian English club hnenah hian €6,00,000 an pe ang a, hetiang zat bawk hi a chet ṭhat dan a zirin pek leh theih dan a awm bawk.

Kum 24 mi Tuanzebe hian season ṭantirh khan loan hmangin Aston Villa a zawm a, match kua a khelhsak. Villa manager thar Steven Gerrard-a'n Tuanzebe hi a ring tawk lo a, Liverpool legend hian chamtir a duh thu sawi mah se English defender hian Italian club pan a thlang ta zawk.

Man United academy player dang Teden Mengi pawhin January thla transfer inhawn khan loan hmang thoin Championship club Birmingham a pan. Kum 19 mi Mengi hian Man United academy tana khelhpui Tahith Chong a zawm a ni.