Usain Bolt-a'n Australian football club training a zawm

Khawvela tlan chak ber record chelhtu Usain Bolt chuan Australian football club Central Coast Mariners ho training-na a chhim a, Jamaican sprinter hian eng tiang chen nge a tel dawn tih erawh hriat a ni lo.

Kum 31 mi Bolt hian intlansiak bakah football a ngaina hle, tun hmain Borussia Dortmund, South African club Sundowns leh Norway club Stromsgodse te training pawh a lo zawm tawh a ni.

Olympic gold medal pariat la tawh Bolt chuan, "Australia-a ka kal thei hi ka lawm a, tun hma aṭangin professional football khelh hi ka suangtuah ṭhin a ni. Mahse, A-League khel phak tur chuan thawhrimna leh training neih ṭhat a ngai tih ka hre chhuak," a ti. Bolt hi Central Coast Mariners player zingah awm ve mah se contract an ziah pui dawn tih pawh a la awm chuang lo.

100m leh 200m intlansiak huanga world record chelh mektu Bolt hian 2017 khan intlansiak a chawlhsan tawh a, tun hnaiah A-League club tana khel tur angin thu thang a awm fo a ni.