Chandigarh hneh loin Mizoram an tla

71st Junior National Basketball Championship 2022-ah Mizoram chuan nimin khan Chandigarh 79 - 64 in an hneh lo a, Level 1 thleng zo loin an tla.

Indore, Madhya Pradesh-a inelna neihah hian Mizoramin group stage-ah Puducherry, Andhra Pradesh leh Bihar te an hneh vek a, beiseina an nei sang hman hle. Nimin inkhelah pawh Mizoram hian quarter hmasa berah 19-12 in hma an hruai a, Chandigarh lakah result ṭha beisei hman mah se quarter hnuhnung pathumah an hnufual zawk.

Junior Championship-ah hian state hrang hrang chu Level 1 leh 2-a ṭhen an ni a, Mizoram hi Level 2-ah an awm. Mizoram bakah hian group stage dang aṭanga pakhatna dang Chandigarh, Haryana leh Himchal Pradesh ten Level 1-a hmunruak pakhat an inchuh. Mizoram erawh Chandigarh an hneh loh avangin Level 2-ah an awm chhunzawm a ṭul dawn a ni.