A zawnin Golden State an chak lo

NBA regular season hmang ṭha tak Golden State Warriors chu tun hnaiah a zawnin vawi hnih an tlawm. Nimin zing khan GSW hi New Orleans Pelicans lakah 101-96 in an chak lo.

Inkhel dangah Phoenix Suns chuan Los Angeles Clippers chu 106-89 in an hneh thung. Suns hi a zawnin vawi thum an chak ta chiah a, an elpui Warriors an chetsual lai a nih bawk avangin Western Conference table-ah hma an hruai.

Smoothie King Center-a inkhelah Warriors lamin hliam vangin Stephen Curry leh Draymond Green te an chhawr thei lo a, player ṭha pahnih awm loh niah Andrew Wiggins-a'n point 21 nei ve mah se chak nan a tawk zo lo.

Pelicans lam tan Brandon Ingram-a'n point 32 a nei a, ani bakah hian Herb Jones (13 points) leh Gary Clark (10) ten point 10 an nei tling ve bawk a, season kal laiah a vawi 14 nan an chak tling ve ta chiah.

NBA - Nimin Results
Boston Celtics 105 - 108 New York Knicks
Detroit Pistons 88 - 118 Memphis Grizzlies
Golden State Warriors 96 - 101 New Orleans Pelicans
Los Angeles Clippers 89 - 106 Phoenix Suns