Semifinal-ah Halep a lut

Grand Slam vawi hnih champion tawh Simona Halep chuan Viktorija Golubic chu 6-2, 5-7, 6-4 a hnehin Melbourne Summer Set 1 WTA tournament-ah semifinal a in hlangkai.

Romanian nula Halep hi season hmasa khan hliam vangin a inkhel tam lo, world ranking-ah pawh 20-na a ni. Tun season-ah hmasawn a tum a, inelna a hmachhawn hmasak berah a che fuh rih hle.

Halep hian a match lehpekah chuan Zheng Qinwen a hmachhawn leh ang. Inkhel dangah Chinese nula Zheng hian seeded chang phak lo Ana Konjuh chu 7-6 (1), 7-6 (8) in a lo hneh ve thung a ni.