Nishikori a inhnukdawk

Japan tlangval tennis khel thiam Kei Nishikori chu a khel bawr hliam a la dam thei lo. Tun thla ni 17 aṭanga khelh tur Australian Open 2022 aṭangin a inhnuhdawk tih a puang.

Kum 32 mi Nishikori hi Asian tlangval zingah chuan tennis huanga thleng sang a ni a, tun hma chuan US Open final hial pawh lutin world number 4 dinhmun pawh a lo luah phak tawh.

Mahse, a kum a tam ve deuh tawh bakah hliamin a tibuai ngun ta hle a, tun hma lama a result ṭha ang kha a nei hleithei tawh lo a, tournament a khel tlem ta hle bawk.

World number 47 Nishikori chuan, "Nikum tawp lam aṭang khan ka khel bawr a na a, tun thlengin a la dam thei lo. 100%-a ka la dam loh avangin hreh tak chungin Australian Open ka khelh loh tur thu hi ka sawi a ngai.

"Grand Slam kan khelh ṭhin zinga ka ngainat tak mai ka khel thei lo tur hi pawi ka ti takzet a, nakkumah dam taka ka lo kir theih ka beisei," a ti. Season hmasa khan a match hmasa berah a chak lo a ni.