Elgar-a'n South Africa a chakpui
South Africa chuan second Test-ah India an hneh let a, Dean Elgar-a'n thi loa 96 runs a siam zarah Proteas hian wicket sarihin hnehna an chang. Second Test hi Wanderers Stadium, Johannesburg-ah January 3-6 chhung khan khelh a ni.
Test match vawi hnih khelh zawhah South Africa leh India te hi vawi khat ve ve an chak a, Third Test hi January 11-15 hian Newlands Cricket Ground, Capte Town-ah an khel leh ang.
A hmuhnawm
India-in first Test-ah 202 runs chauh siam mah se Shardul Thakur-a'n wicket sarih tehmeuh a lak zarah South Africa-in 229 runs chauh an siam.
Team pahnihin hun an hman rei loh avangin ni hnih an khelh zawhah chak zawk an awm ngei dawn niin a lang. Second innings-ah India tan Cheteshwar Pujara (53), Ajinkya Rahane (58) leh Hanuma Vihari (40*) te chet ṭhat zarah 226 runs an siam.
India-in target atan 240 runs an chhawpsak a, chakpui tham a nih rualin South Africa lam tan chak theihna kawng zau tak a inhawng bawk.
Proteas-in bul an ṭan ṭha a, Elgar leh Aiden Markam te inkawpin 47 runs an siam hman. Kum 34 mi Elgar hian thi loin 96 runs a siam a, South Africa-in wicket thum chauh hlohin 243 runs an siam a, hnehna an chang.
Engtin zel?
India tan captain Virat Kohli a khel lo a, second Test-a captain hna chelhtu KL Rahul chuan, "Chak kan duh a, cricket hmuhnawm tak chhawpchhuah kan duh. Chak thei tur pawhin kan dinhmun a ṭha a, amaherawhchu South Africa batter-te an chet ṭhat ṭum kan tawng a ni," tiin a sawi.
South Africa chakpuitu captain Dean Elgar chu player of the match-ah thlan a ni a, inkhelh banah Elgar chuan, "First Test-ah khan cricket khelh dan bul ṭhut kan hloh a, second Test-ah erawh kan zawm ṭha. Bowler-ten harsatna nei loin wicket 20 an la thei a, batter lamah pawh Rassie van der Dussen ten hmabak êng tak an nei a ni," tiin an khelh danah a lungawi thu a sawi.
Second Test - Thlirna Tawi
South Africa bt India
South Africa wicket sarihin an chak
Series-ah 1-1 a ni chiah
Third Test hi January 11-15 hian an khel leh ang.
First Innings
India 202
KL Rahul 50 (133)
Ravinchandran Ashwin 46 (50)
Marco Jansen 31/4 (17)
Duanne Olivier 64/3 (17)
South Africa 229
Keegan Petersen 62 (118)
Temba Bavuma 51 (60)
Shardul Thakur 61/7 (17.5)
Mohammed Shami 52/2 (21)
Second Innings
India 226
Ajinkya Rahane 58 (78)
Cheteshwar Pujara 53 (86)
Lungi Ngidi 43/3 (10.1)
Marco Jansen 67/3 (17)
South Africa
Dean Elgar 96* (188)
Rassie van der Dussen 40 (92)
Ravinchandran Ashwin 26/1 (11.4)
Shardul Thakur 47/1 (16)