Liverpool an inpeih tawh

Liverpool chuan Premier League khel turin an inpeih tawh tih an pholang a, pre season friendly match-a an inlan hnuhnung berah Torino chu 3-1 in an hneh - minute 90 chhunga Jurgen Klopp naute khelh dan enin season hmasaa Liverpool team hmuhnawm tak kha kan hmu leh dawn niin a lang.

Roberto Firmino, Georginio Wijnaldum leh Daniel Sturridge ten Liverpool tan goal khat ṭheuh an khung a, goal mawi vek a ni - Torino goal neihchhun hi khawvela keeper manto ber Alisson vena Andrea Belotti khung a ni.

Mohamed Salah-a'n goal khung lo mah se Firmino goal khungna tura a che vel chu hmuhnawm a tling a, Wijnaldum goal khung theihna tura Firmino che vel chu 'world class' a ni a, goal thumna khung tura Sturridge leh Shaqiri in 'man' lutuk chu Liverpool fans tan lawmna tham a ni.

Liverpool hian Pathianni zan dar 6:00-ah West Ham mikhualin Premier League-a an match hmasa ber an khel dawn a, Torino laka an khelh dan en chuan an inpeih tawh.

Liverpool (4-3-3): Alisson (Karius 72); Alexander-Arnold (Clyne 63), Phillips (Johnston 88), van Dijk (Jones 45, Camacho 88), Moreno (Robertson 45); Keita (Grujic 45), Fabinho (Henderson 70), Wijnaldum (Lallana 45); Salah (Shaqiri 45), Firmino (Sturridge 45), Mane (Ings 45).