GAC-in semifinal an lut

LG Independence Women's Tournament-ah Govt Aizawl College chuan nimin khan St Joseph Higher Secondary School 7-1 a hnehin semifinal an lut. GAC hian group C hmahruaitu ni turin match hmasa berah Govt Mizo HSS chu 8-0 in an hneh tawh bawk.

Nimin hian GAC tan K. Lalruatfeli'n goal li a khung a, Lalrinzuali'n goal hnih a khung bakah St Joseph player Noel Lal­tlanzovi'n an lamah a titut. GAC-in goal sarih an khung hnuah St Joseph-in Lalhmangaihzuali hmangin goal khat an khung.

Women's Tourna­ment-ah champion lai Pa­chhunga University College chu semifinal-ah an awm sa a, Govt Aizawl College leh Industrial Training Institute (ITI) ten semifinal an lut tawh bawk. Group A aṭanga semifinal lut tur erawh vawiin hian chinfel a ni dawn a, Govt Maubawk HS-in Hrangbana College 1-0 a an hneh avangin vawiin tlai dar 2:30-a New Horizon laka point an hmuh hrim hrim chuan semifinal an lut ang. Hemi hmaa inkhel tur pahnih erawhin semifinal khel tur a hril tawh lo.

Semfinal-a inhma­chhawn tur hi vawiin tlaia group match hnu­hnung ber khelh zawhah pawh a ni ang.

Nimin Inkhel Results
St Joseph HSS 1 - 7 Govt Aizawl College
SJH : Lalhmangaihzuali 53'
GAC : K Lalruatfeli 7', 23', 27', 40'; Noel Laltlanzovi 11' (OG); Lalrinzuali 32', 35'
Vawiin Inkhel Tur - Lammual
Govt Mizo HS 11:30 AM St Joseph HSS
Women’s Polytecnic 12:45 PM Govt Mizo HSS
New Horizon School 2:30 PM Govt Maubawk HS