I Day Football hmeichhe semifinal khel tur a hriat ta

LG Indpendence Women's Tournament group stage chu nimin khan Lammualah khelh zawh a ni a, Maubawk High School tan Lalbiakdiki chuan New Horizon School lakah goal awm chhun khungin semifinal a hruai thleng.

Biakdiki hian Hrangbana College an hma chhawn ṭumin goal awmchhun a khung tawh bawk a, ani hi HBC titlatuah a ngaih theih.

Champion lai Pachhunga University College chuan semifinal an lut sa a, Maubawk HS hma hian Industrial Training Institute (ITI) leh Govt Aizawl College ten knockout stage an lut bawk.

Semi final-ah vawiin tlai dar 5:00 hian PUC leh ITI an inkhel ang a, naktuk tlai dar 5:00-ah Maubawk HS leh GAC te an inhmachhawn thung ang. Hmeichhe final hi August 15 hian khelh a ni dawn.

Semifinal
Vawiin Inkhel Tur
Pachhunga College 5:00 PM ITI
August 11, Inrinni
Govt Aizawl College 5:00 PM Maubawk HS
Nimin Inkhel Results
Govt Mizo HS 1 - 6 St Joseph HSS
GMHS : Lalhruaizeli 39'
SJHSS : Lalhmangaihzuali 17', 21', 28';
    Jokobedia H Lalremruati 25'; Lalmalsawmi 42', 52'
Women Polytechnic 1 - 0 Govt Mizo HSS
WP : PC Laltanpuii 23'
Maubawk HS 1 - 0 New Horizon School
MHS : Lalbiakdiki 50'

Team Dinhmun
GROUP a
# Team Pld W D L GF GA GD Pts
1 Maubawk HS 2 2 0 0 2 0 2 6
2 Hrangbana College 2 1 0 1 2 2 0 3
3 New Horizon School 2 0 0 2 1 3 -2 0
GROUP B
# Team Pld W D L GF GA GD Pts
1 ITI 2 2 0 0 8 0 8 6
2 Women Polytechnic 2 1 0 1 1 2 -1 3
3 Govt Mizo HSS 2 0 0 2 0 7 -7 0
GROUP C
# Team Pld W D L GF GA GD Pts
1 Govt Aizawl College 2 2 0 0 15 1 14 6
2 St Joseph HSS 2 1 0 1 7 8 -1 3
3 Govt Mizo HS 2 0 0 2 1 14 -13 0