Tla zingah team ṭha an tel

LBS Suzuki 7th Inter Branch YMA Basketball Tournament chu Hawla Indoor Stadium leh Chawnpui Sports Centre-ah khelh chhunzawm zel a ni a, tla zingah 2010 champion Champhai Vengthlang an tel. Champhai hian Hmingthanmawia leh a phirpui Lalremruata te rawn hruai tel mah se tun hnaia basketball-a hmasawn tak Zotlang an ngam lo a, over time-ah 91-85 in an chak lo.

Nimin vek hian Armed Veng chuan Ramhlun Venglai 72-71 in an hneh hram a, amaherawhchu Armed Veng-ah hian Khatla TBL star Vanchuangpuia leh Zarkawt BCA captain hlui David Lalruatfela te an neih avangin an hmachhawn leh tur Khatla an hlau bik lo ang.

Nilaini zan khan TBL club awmna veng Khatla hian MSL4 MVP Lalrina Renthlei telna Tuikhuahtlang chu 92-75 in an hneh a, inkhel hi scoreline aṭanga teh chi ni loin inkhel hmuhnawma ni. Khatla-in an squad neih chhah an ṭhat pui a, MSL4 MVP Rina'n 3rd quarter tawp nana pui zeta buzzer a beat chuan result a thlak danglam lo. Eddie Zothanpuia leh Vanlalnunsanga (Lana) ten player beiseiawm rual hoin Khatla an chak pui.

HAWLA INDOOR STADIUM
August 8, Nilaini
Tuikhuahtlang 75 - 92 Khatla
Nimin Inkhel Results
Ramhlun Venglai 71 - 72 Armed Veng
Electric Veng 64 - 65 Laipuitlang
Zotlang 91 - 85 (OT) Champhai Vengthlang
Saron Veng 84 - 63 Thakthing Veng
Vawiin Inkhel Tur
Ramhlun Vengthar 10:00 AM Bethlehem Vengthlang
Ramthar Veng 11:45 AM Nursery
Zuangtui 2:00 PM Republic Veng
Dawrpui 3:45 PM Tlangnuam
Tuithiang 5:30 PM Tuikual South
CHAWNPUI SPORTS CENTRE
August 8, Nilaini
Venghnuai 36 - 48 Mualpui
Ramhlun North 64 - 37 Ṭhuampui
Nimin Inkhel Results
Tanhril 39 - 58 Zemabawk North
Champhai Kahrawt 59 - 43 Upper Republic
Kanan 66 - 45 Chawlhhmun
Tuikual North 51 - 55 Kulikawn
Vawiin Inkhel Tur
Bethlehem 10:00 AM Mission Veng YMA
Chawnpui 11:45 AM YMA Mission Veng
Khatla South 2:00 PM Durtlang
Govt Complex 3:45 PM Vaivakawn
Leitan 5:30 PM College Veng