Jayaram leh Das ten last 16 lut

Badminton inelna Vietnam Open Tour Super 100 tournament khelh mekah Indian shuttler Ajay Jayaram leh Rituparna Das te chuan Nilaini zan khan an khingpui ve ve hnehin last 16 an inhlangkai.

Jayaram-a'n Indonesian shuttler Piliang Fiqihila Cupu chu 21-7, 21-16 in a hneh a, a match lehpekah chuan seeded pakhatna Brazilian Ygor Coelho a hmachhawn dawn. Coelho hian Siril Verma chu 22-20, 17-21, 21-17 in a lo hneh ve bawk a ni.

Hmeichhe singles lamah national champion hlui Rituparna chuan Japanese player Shiori Saito lakah 21-13, 21-14 in hnehna a chang. India player dang Rasika Raje, Mug­dha Agrey, Vaidehi Choudhari leh mixed doubles pair - Shivam Sharma leh Poorvisha S Ram te ṭangdun chu an zinkawng a tawp thung.