Suns tan Heat an sa hret

NBA regular season kal laia khel ṭha tak Phoenix Suns chu Miami Heat lakah 123-100 in an chak lo. Western Conference hmahruaitu Suns hi vawi kua an chak lohna chiah a ni a, table chung berah an la awm chhunzawm tho.

Heat tan Tyler Herro-a'n point 33 zet a nei a, ani bakah hian point 27 neitu Duncan Robinson a hmuhnawm hle - player dang pali ngawtin point 10 an neih tlin vek avangin team ṭha Suns lakah hnehna chan phu zawk an ni.

Inkhel dangah cham-pion lai Milwaukee Bucks chu Charlotte Hornets lakah 106-114 in an chak lo. Bucks tan an thiampuipa Giannis Antetokounmpo-a'n point 43 zet a nei leh thei a, mahse chakpui nan a tawk zo chuang lo.

Hornets lamin mimala che ṭha fal nei lo mah se team thawhhona ṭha chu an chakna hnar a ni a, season kal laia a vawi 21 nan an chak. Detroit Pistons, Indiana Pacers leh Boston Celtics ten an khingpui ṭheuh an hneh bawk.

NBA - Nimin Results
Milwaukee Bucks 106 - 114 Charlotte Hornets
Miami Heat 123 - 100 Phoenix Suns
Orlando Magic 92 - 97 Detroit Pistons
Utah Jazz 113 - 125 Indiana Pacers
New York Knicks 75 - 99 Boston Celtics