Hripui vangin ISL inkhel ṭhulh

ATK Mohun Bagan leh Odisha FC chu Inrinni zan khan Indian Super League-ah inkhel tura tih ni mah se hri leng vangin an khelh hun sawn a ni a, ISL thuchhuah chuan Kolkata club player zingah hri leng kai an awm thu an tarlang.

ISL chuan, "ATK Mohun Bagan player-in Covid-19 a kai avangin League medical team-te nena inbiakna angin Bagan leh Odisha inkhel tur chu ṭhulh lailawk a ni a, ISL chuan team pahnih inkhelh theih hun tur ngaihtuahin ruahmanna thar a siam dawn a ni," an ti.

Covid-19 vangin European football league-te an talbuai chho a, hriin India a luhchilh leh tak avangin Indian football pawhin harsatna a tawk.

I League pawh club tinin match khatn chauh an la khel hman tihin player leh official zingah Covid-19 kai an awm nual tih hriatchhuah a ni a, January 3 khan AIFF League Committee chuan kar ruk chhung league chawl rih turin a lo rel tawh a ni.