Mizoram Under 15 League ; Republic Veng Vs Armed Veng
Mizoram Under 15 League chu vawiin hian Rajiv Gandhi Stadium, Mualpuiah khelh chhunzawm a ni dawn. Vawiin inkhel tur en châkawm zingah chawhnu dar 1:30-a inkhel tur M28 Academy, Republic Veng leh Armed Veng club FC Stonzz inkhel tur hi a tel ang a, hemi zawh chiaha inkhel tur Aizawl Grassroot Center leh Aizawl FC Academy te a hmuhnawm bawk ang.
Republic Vs Armed Veng
Football thiam veng pahnih Under 15 League inelnaah an inhmachhawn dawn, veng inelnaah Armed Vengin sulhnu an nei ṭha zawk a, U15 League-ah erawh Republic Veng an la che ṭha zawk, vawiin hian fiahin an awm ang.
FC Stonzz-in an match hmasa berah Aizawl FC Academy an hmachhawn a, point hlawh chhuak lo mah se an chak lohna hi 3-2 chauh a ni. Armed Veng naupangten academy mumal ber zinga veng hrang hrang inla khawm an elpha hian an thiam tih a pholang.
M28 Academy hi Aizawl High School leh Mizo football legend S. Malawmtluanga te ṭangkawpin an din a ni a, Under 15 League-ah Republic Games & Sports Association nen thawk hoin vengchhung rawlthar rual an la khawm a, match hmasa berah Competitor for Christ chu 8-0 in an sawp a, vawiinah fiahin an awm ang.
Academy pahnih...
MFA hnuaia football zirna Aizawl Grassroot Center tan tun inelna hi an zirna lanchhuahtir hun a ni a, an match hmasa berah Bawngkawn GSA chu 4-0 in an sawp.
Vawiin hian anmahni ang bawka awmze neia football zir leh point thum hmu tawh Aizawl FC Academy an hmachhawn dawn a, point thum leh hmingṭhatna an inchuh ang.
Inkhel dang
Vawiin match hmasa berah Sihphir Venghlun FC leh Kanan FC te an inkhel dawn a, Chanmari FC leh Competitors for Christ-in a chhunzawm ang.
Match thumnaah tun inelnaa team langsar ber leh champion rinkai TataTrusts COE an inlan dawn a, an khingpui tur Bawngkawn GSA hian match hmasa berah Grassroots laka goal li an chhuah avangin Indian football technical director hlui Colm Toal hnuaia khel COE lakah tlarhnung rem phui ṭhat a pawimawh ang.
Round 2 - Vawiin Inkhel Tur
Sihphir Venghlun FC 9:00 AM Kanan FC
Chanmari FC 10:30 AM Competitors for Christ
TataTrusts COE 12:00 PM Bawngkawn GSA
M28, Republic Veng 1:30 PM FC Stonzz
Aizawl Grassroot Center 3:00 PM Aizawl FC Academy
# Team Pld W D L GF GA GD Pts
1 M28, Republic Veng 1 1 0 0 8 0 8 3
2 TataTrusts COE 1 1 0 0 6 0 6 3
3 Aizawl Grassroot Center 1 1 0 0 4 0 4 3
4 Aizawl FC Academy 1 1 0 0 3 2 1 3
5 Sihphir Venghlun FC 1 0 1 0 0 0 0 1
6 Chanmari FC 1 0 1 0 0 0 0 1
7 Kanan FC 0 0 0 0 0 6 -6 0
8 Competitors for Christ 1 0 0 1 0 8 -8 0
9 Bawngkawn GSA 1 0 0 1 0 4 -4 0
10 FC Stonzz 1 0 0 1 2 3 -1 0