Zaninah Saints Vs Brentford

Zanin dar 1:15 hian St. Mary's Stadium-ah Southampton-in Brentford an mikhual dawn a, Premier League inkhel hi nikum tawp lama khelh tur ni mah se Covid-19 vangin an sawn.

Saints hi December 28 khan Tottenham nen league-ah 1-1 in an inhnehtawk a, tun ṭum hi league-a an inlan lehna hmasa ber tur a ni. Chutihrualin Southampton hian Inrinni zan khan FA Cup-ah Swansea 3-2 in an hneh a, match fitness nei lo tawp an ni lo.

Premier League kai thar Brentford hian kum 2022 an la hmang ṭha hle. Bees hian an match hmasa bera kumtir khan Aston Villa 2-1 in an hneh a, FA Cup-ah Port Vale 4-1 in an hneh bawk.

Team pahnih hi table hnuai lamah an awm a, Bees hian point 23 hmuin 12-naah awm mah se 14-naa awm Saints hian hnehna an chang a nih chuan 11-naah an invawrh chho thei ang.