Real hmachhawn tur Fati

Supercopa de Espana semifinal chu January 12, Nilaini zanah Barcelona leh Real Madrid ten King Fahd Stadium, Saudi Arabia-ah an khel dawn. Barca chuan Los Blancos hmachhawn tur squad an puang tawh a, Super Cup khel tur zingah Ansu Fati an tel.

Kum 19 mi Fati hi khup hliam vangin season liam ta khan a inlan meuh lo a, tun season-ah malpui hliam a neih leh avangin inelna hrang hrangah match 11 chiah a la inlan a ni.

Barcelona tan chanchin ṭha dang hriat tur a awm. Manchester City aṭanga an lakluh Ferran Torres an ziaklut. Catalan club hian defender Samuel Umtiti contract chu June 30, 2026 thleng an pawtsei a, hemi zarah hian ‘financial fair play’quota neih belhin Spanish Professional Football League hnuaiah Torres an ziaklut thei chiah.